Azərbaycan-Gürcüstan Hökumətlərarası Komissiyasının 10-cu yubiley görüşü Bakıda keçiriləcək

Gürcüstan Baş nazirinin sabah Bakıya səfəri çərçivəsində hökumətlərarası komissiyanın 10-cu yubiley görüşü keçiriləcək.

“Report” xəbər verir ki, bunu Azərbaycanın xarici işlər naziri Ceyhun Bayramov yanvarın 16-da gürcüstanlı həmkarı Maka Boçorişvili ilə Bakıda keçirilən birgə mətbuat konfransında deyib.

“Tarixi kəsimdə hər iki ölkə üçün çox çətin, mürəkkəb dövrlər olub. Ancaq Azərbaycan və Gürcüstan münasibətlərini səciyyələndirən amillər mehriban qonşuluq və dostluqdan ibarət olub. Bu gün biz bu münasibətlərin bəhrəsini görürük. Bu gün Azərbaycan və Gürcüstan arasındakı ikitərəfli dialoq ən yüksək səviyyədədir”, - o qeyd edib.