Gürcüstandan deportasiya olunan Azərbaycan vətəndaşlarının sayı azalıb

Bu ilin I rübündə Gürcüstandan 9 əcnəbi deportasiya edilib.

“Report”un yerli bürosu xəbər verir ki, bu barədə ölkənin Daxili İşlər Nazirliyinin hesabatında bildirilib.

Sənədə əsasən, illik müqayisədə Gürcüstandan çıxarılan xarici ölkə vətəndaşlarının sayı 16 nəfər azalıb.

Yanvar-martda qonşu ölkədən deportasiya edilənlərin 1-i Azərbaycan vətəndaşı olub. Həmin şəxs 41-65 yaş qrupuna daxil olan kişidir.

Qeyd edək ki, ötən il Gürcüstandan çıxarılan Azərbaycan vətəndaşlarının sayı 7 nəfər təşkil edib ki, onların da ikisi I rübün payına düşüb.