Günay Əfəndiyeva: "Qarabağda Türk Dünyasının Mədəniyyət Mərkəzinin inşa edilməsini təklif edirik"

"Türk Dünyasının ayrılmaz parçası olan doğma Qarabağda – gözəl Şuşada Türk Dünyasının Mədəniyyət Mərkəzinin inşa edilməsini təklif edirik".

"Report" xəbər verir ki, bu sözləri Beynəlxalq Türk Mədəniyyəti və İrsi Fondunun prezidenti Günay Əfəndiyeva Türkdilli Dövlətlərin Əməkdaşlıq Şurasının xarici işlər nazirlərinin VIII Zirvə Toplantısında çıxışı zamanı bildirib.

Onun sözlərinə görə, bu istiqamətdə işlər aparılmaqdadır.

"Bu Mərkəz tariximizin, mədəniyyətimizin, irsimizin birləşdiyi məkan olacaq, həmrəyliyimizin simvollarından birinə çevriləcək, əbədi qardaşlığımızın yeni bir sübutu olacaq“, - G.Əfəndiyeva vurğulayıb.