Yuxarı

German Sterliqov Rusiya Federasiyasına qayıda bilmir

Ermənistanda iş adamına beynəlxalq axtarışda olduğu üçün Rusiya ərazisində saxlanıla biləcəyi barədə xəbərdarlıq edilib

Bakı. 3 avqust. REPORT.AZ/ Ermənistandan Rusiyaya qayıtmaq istəyən iş adamı German Sterliqova xəbərdarlıq edilib. "Report"un "RİA Novosti"yə istinadən verdiyi məlumata görə, bu barədə onun vəkili Artur Ayrapetov "Kommersant FM" radiostansiyasına açıqlamasında bildirib.

Vəkilin sözlərinə görə, iş adamı German Sterliqov Rusiya Federasiyasına qayıda bilmir: "G.Sterliqov tanınmamış "Dağlıq Qarabağ Respublikası"ndan Moskvaya getmək istəyib. Lakin Ermənistan hava limanında sərhədçilər ona beynəlxalq axtarışda olduğu üçün Rusiyaya gedəcəyi təqdirdə federasiya ərazisində saxlanılacağı barədə xəbərdarlıq ediblər". 

Qeyd edək ki, Azərbaycan Respublikası Baş Prokurorluğunun Ağır cinayətlərə dair işlər üzrə istintaq idarəsində “German Sterliqov Şirkətlər Qrupu”nun Direktorlar Şurasının rəhbəri German Sterliqov və digərlərinin Azərbaycan Respublikasının dövlət sərhədini müəyyən edilmiş sənədlər olmadan və nəzarət-buraxılış məntəqələrindən kənarda qanunsuz keçərək Ermənistan Silahlı Qüvvələri tərəfindən Azərbaycan Respublikasının işğal olunmuş ərazilərinə gəlmələri və dövlət əleyhinə yönələn açıq çağırışlar etmə əməlləri üzrə Azərbaycan Respublikası Cinayət Məcəlləsinin 281.2 (dövlət əleyhinə yönələn açıq çağırışlar) və 318.2-ci (Azərbaycan Respublikasının dövlət sərhədini qanunsuz olaraq keçmə) maddələri ilə cinayət işi başlanaraq istintaq tədbirləri davam etdirilir.

İttiham üçün əsas verən kifayət qədər sübutlar toplanıldığından 28 iyul 2015-ci il tarixdə German Sterliqov Azərbaycan Respublikası Cinayət Məcəlləsinin 281.2 və 318.2-ci maddələri ilə təqsirləndirilən şəxs qismində cəlb olunmaqla barəsində Bakı şəhəri, Nəsimi rayon Məhkəməsinin qərarı ilə həbs qətimkan tədbiri seçilərək beynəlxalq axtarışa verilib.

Hazırda onun tutulub istintaqa cəlb edilməsi üçün “İnterpol”un Azərbaycan Respublikası Daxili İşlər Nazirliyinin Milli Mərkəzi Bürosu tərəfindən zəruri istintaq və əməliyyat-axtarış tədbirləri həyata keçirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi