Yuxarı
    Bağlamaq

    Fransua Olland apreldə Azərbaycana səfər edəcək

    Aprelin 24-25-də Fransa prezidenti İrəvan və Bakıya səfər edəcək

    Bakı. 21 mart. REPORT.AZ/ Fransa prezidenti Fransua Olland aprelin 24-25-də İrəvan və Bakıya səfəri zaman Azərbaycan və Ermənistan prezidentləri ilə Qarabağ problemini müzakirə edəcək. 

    "Report" "Novosti-Armeniya"ya istinadən xəbər verir ki, bu barədə Fransanın Avropa məsələləri üzrə dövlət katibi Arlem Dezir bildirib. 

    "Paris Dağlıq Qarabağ münaqişəsinin nizamlanması üçün bütün səylərini göstərəcək. Buna görə də Respublika prezidenti diplomatik təşəbbüslərin bərpasına kömək etmək üçün 2014-cü il oktyabrın 27-də Azərbaycan və Ermənistan prezidentlərinin iştirakı ilə sammit çağırıb. Bu görüş zamanı ilk humanitar addım - itkin düşənlər barədə informasiya mübadiləsi aparmaq haqqında razılığa gəlinib", - A.Dezir qeyd edib. 

    Dövlət katibi əlavə edib ki, son aylarda müşahidə olunan gərginlik bu prinsiplərin həyata keçirilməsinin zəruriliyini göstərir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi