Yuxarı

Düşənbədə Mərkəzi Asiya dövlətlərinin Azərbaycan və Əfqanıstanla əməkdaşlığı müzakirə olunub

Forumda Azərbaycanı iqtisadiyyat və sənaye nazirinin müavini Sahib Məmmədov da təmsil edir

Bakı. 12 noyabr. REPORT.AZ/ Düşənbə şəhərində “2030-cu ilədək SPECA (BMT-nin Mərkəzi Asiya Ölkələrinin İqtisadiyyatı üçün Xüsusi Proqramı) regionunda davamlı inkişaf sahəsində gündəlikdə duran məsələlərin həyata keçirilməsinin və monitorinqinin dəstəklənməsi” devizi ilə Beynəlxalq SPECA İqtisadi Forumu və SPECA Rəhbərlər Şurasının 10-cu sessiyası öz işini davam etdirir.

Forumda Azərbaycanı iqtisadiyyat və sənaye nazirinin müavini Sahib Məmmədov, nazirliyin müşaviri İlqar Qasımlı və ölkəmizin Tacikistandakı səfiri Abbasəli Həsənov təmsil edir.

Tədbirin ikinci günü iqtisadiyyat, nəqliyyat, su-enerji ehtiyatları, informasiya-kommunikasiya texnologiyaları sahəsində regional inkişaf prosesləri və digər məsələlər müzakirə olunub.

Deyilib ki, forum Mərkəzi Asiya dövlətlərinin Azərbaycan və Əfqanıstanla energetika, nəqliyyat infrastrukturu, ticarət və digər sahələrdə əməkdaşlığın inkişafına kömək edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi