Azərbaycan Ermənistana qarşı digər beynəlxalq məhkəmələrdə də vəsatət qaldıracaq

Azərbaycan Ermənistandan digər beynəlxalq və milli məhkəmələrə də şikayət edəcək.

"Report" xəbər verir ki, bu barədə Beynəlxalq Münasibətlərin Təhlili Mərkəzinin sədri Fərid Şəfiyev özünün tvitterdəki hesabında yazıb.

"Azərbaycan ərazisində cinayət, qanunsuz və ayrı-seçkilik hərəkətlərinə görə Ermənistana, ayrı-ayrı şəxslərə və şirkətlərə qarşı beynəlxalq və milli məhkəmələrdə də vəsatət qaldırılacaq", - paylaşımda deyilir.

Qeyd edək ki, Azərbaycan "İrqi ayrı-seçkiliyin bütün formalarının ləğv edilməsi haqqında" Beynəlxalq Konvensiyanın pozulmasına görə Ermənistanı Beynəlxalq Ədalət Məhkəməsinə verib.

There will be some other claims in international and national courts against the government of Armenia, individuals and companies for criminal, illegal, discriminatory actions on the territory of Azerbaijan. https://t.co/nl6LLJ2lCG

— Farid Shafiyev (@shafiyev_farid) September 23, 2021