Ərdoğan Maqdeburqda baş verən hadisəni pisləyib

Türkiyə Prezidenti Rəcəb Tayyib Ərdoğan dünən gecə Almaniyanın Maqdeburq şəhərində Milad bazarında baş verən hadisəni pislədiyini deyib.

"Report" xəbər verir ki, Prezident bu barədə "X" sosial şəbəkə hesabında paylaşım edib.

"Dünən gecə Almaniyanın Maqdeburq şəhərində Milad bazarına edilən mənfur hücumu qətiyyətlə pisləyirəm. Hücumda həyatını itirənlərin ailələrinə, dost Almaniya xalqına və hökumətinə başsağlığı verir, yaralananların tezliklə sağalmasını arzulayıram", - paylaşımda deyilir.

Qeyd edək ki, Almaniyanın Maqdeburq şəhərində avtomobilin izdihamın üstünə sürülməsi nəticəsində 5 nəfər ölüb, 205 nəfər xəsarət alıb.

Dün akşam Almanya'nın Magdeburg şehrindeki Noel pazarına düzenlenen menfur saldırıyı şiddetle kınıyorum. Saldırıda hayatını kaybedenlerin ailelerine, dost Almanya halkına ve hükûmetine başsağlığı dileklerimi iletiyor, yaralılara acil şifalar diliyorum.

— Recep Tayyip Erdoğan (@RTErdogan) December 21, 2024