Elmar Məmmədyarov: "QDİƏT ölkələrinin XİN başçıları Bakıda təşkilatın effektivliyinin artırılmasını müzakirə edəcək"

Bakı. 14 dekabr. REPORT.AZ/ "Bakıda keçirilən Qara Dəniz İqtisadi Əməkdaşlıq Təşkilatının (QDİƏT) Xarici İşlər Nazirləri Şurasının iclası fikir mübadiləsi aparmağa və təşkilat çərçivəsində mövcud əməkdaşlıq səviyyəsini müzakirə etməyə imkan yaradacaq".

"Report" xəbər verir ki, bunu iclası açıq elan edən Azərbaycanın xarici işlər naziri Elmar Məmmədyarov bildirib.

"İclasın gündəliyinə həmçinin işimizin effektivliyinin artırılması, ticarət, enerji, turizm, tranzit, kənd təsərrüfatı sahəsində əməkdaşlığın təşviq edilməsi kimi məsələlər və bir sıra digər məsələlər daxildir", - E.Məmmədyarov deyib.