Yuxarı
    Bağlamaq

    ​Əli Həsənov: Azərbaycan Avrasiya İqtisadi Zirvəsində İrəvana təzyiq göstərilməsi üçün çağırış edəcək

    Biz bu tədbirdə iştirakımızı əhəmiyyətli və aktual sayırıq

    Bakı. 8 aprel. REPORT.AZ/ XVIII Avrasiya İqtisadi Zirvəsində Ermənistana təzyiq göstərilməsi üçün çağırışlar ediləcək.

    "Report" AZƏRTAC-a istinadən xəbər verir ki, bu sözləri aprelin 8-də İstanbulda Mərmərə Qrupu Strateji və Sosial Araşdırmalar Vəqfinin təşkilatçılığı ilə XVIII Avrasiya İqtisadi Zirvəsində iştirak edən Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov jurnalistlərə müsahibəsində deyib.

    Əli Həsənov bildirib:

    - Azərbaycan belə tədbirlərdə bölgənin Rusiya, Türkiyə, İran kimi böyük dövlətləri, o cümlədən regionda geosiyasi, geoiqtisadi, hərbi geostrateji maraqları olan Avropa İttifaqı ölkələri, ABŞ, Çin kimi dövlətlər ilə yanaşı bərabərhüquqlu faktor kimi iştirak edir. Ona görə də, bölgənin 40-dan artıq ölkəsini təmsil edən nümayəndələrin qatıldığı Avrasiya İqtisadi Zirvəsində Azərbaycan özünün iştirakını əhəmiyyətli və aktual sayır. Azərbaycan bu Zirvədə böyük nümayəndə heyəti ilə iştirak edir. Biz burada, həmçinin Ermənistan-Azərbaycan, Dağlıq Qarabağ münaqişəsindən danışacağıq. Neçə illərdir ki, bölgədə sülhü təhdid edən Ermənistan Azərbaycan torpaqlarını işğal altında saxlayır. Tədbirdə təmsil olunan dövlət və qeyri-dövlət qurumlarına Ermənistana təzyiq göstərmələri üçün çağırışlar edəcəyik. Bir daha diqqətə çatdıracağıq ki, Ermənistanın yürütdüyü qeyri-konstruktiv siyasət münaqişənin uzanmasına səbəb olur. Ermənistan BMT Təhlükəsizlik Şurasının işğalçı qüvvələrin Azərbaycan ərazisindən qeyd-şərtsiz çıxarılmasını tələb edən dörd qətnaməsini yerinə yetirmir. Biz bunu nümayəndə heyətlərinə bir daha xatırladacağıq.

    Azərbaycan bu Zirvədə həm enerji, həm nəqliyyat-kommunikasiya, həm də bölgədə ictimai-siyası və təhlükəsizlik məsələləri ilə bağlı keçiriləcək bütün panellərdə fəal iştirak edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi