Ceyhun Bayramov gürcü həmkarını təbrik edib

Azərbaycanın xarici işlər naziri Ceyhun Bayramov gürcü həmkarı David Zalkalianini yenidən xarici işlər naziri vəzifəsinə təyin olunması münasibətilə təbrik edib.

“Report”un yerli bürosu xəbər verir ki, bu barədə Gürcüstanın Xarici İşlər Nazirliyindən bildirilib.

C.Bayramov D.Zalkalianiyə ünvanladığı təbrikdə gürcü xalqına xoşbəxt və uğurlu yeni il arzulayıb.

“Əminəm ki, ölkələrimiz arasında mövcud səmimi münasbətlər gələcək illərdə daha da güclənəcək”, - XİN başçısı qeyd edib.