Rafael Qrossi: "AEBA və Azərbaycan arasında əməkdaşlıq dərinləşdirilə bilər"

"AEBA və Azərbaycan arasında əməkdaşlıq dərinləşdirilə bilər".

"Report" xəbər verir ki, bunu Atom Enerjisi üzrə Beynəlxalq Agentliyin (AEBA) Baş direktoru Rafael Qrossi Azərbaycanın xarici işlər naziri Ceyhun Bayramov ilə görüşdə bildirib.

O, Azərbaycanın AEBA üçün əhəmiyyətli tərəfdaş olduğunu qeyd edərək keçirilən birgə layihələri məmnunluqla vurğulayıb, habelə nüvə təhlükəsizliyi və agentliyin ixtisaslaşdığı digər sahələrdə Azərbaycan ilə əməkdaşlığın dərinləşdirilməsi perspektivlərinin mövcud olduğunu söyləyib.