Çexiya Azərbaycanla enerji sahəsində əlaqələri gücləndirməyə çalışır

Avropa İttifaqı (Aİ) Azərbaycan ilə enerji sahəsində əməkdaşlığı dəstəkləyir və özünün Rusiya yanacağından asılılığını azaltmağa çalışır.

"Report" xəbər verir ki, bunu Çex Respublikasının ölkəmizdəki səfirliyinin missiya rəhbərinin müavini Daniel Putik ADA Universiteti, İnkişaf və Diplomatiya İnstitutu, Çexiya səfirliyi və Çexiyanın Avropa İttifaqı (Aİ) Şurasına sədrliyinin birgə tərəfdaşlığı ilə keçirilən konfransda deyib.

Çexiya səfirinin müavini bildirib ki, hazırda Aİ qarşısında duran əsas prioritet qaçqınlar problemi, enerji qiymətlərinin aşağı salınması, enerji təhlükəsizliyi və Ukraynaya dəstək məsələləridir.

Onun sözlərinə görə, Aİ minalardan təmizləmə məsələsində Azərbaycana yardımın artırılması variantlarını nəzərdən keçirir.