Çavuşoğlu: "Cənubi Qafqazda nəqliyyat əlaqələrinin bərpası bütün ölkələrin xeyrinə olacaq"

"Azərbaycan-Ermənistan normallaşma prosesinin uğurla başa çatmasını arzu edirik. Qardaşım Ceyhun Bayramova da verdiyi məlumatlara görə təşəkkür edirəm".

"Report"un xəbərinə görə, bunu Türkiyənin xarici işlər naziri Mövlud Çavuşoğlu Azərbaycanın xarici işlər naziri Ceyhun Bayramov və Özbəkistanın xarici işlər naziri vəzifəsini icra edən Vladimir Norovla birgə mətbuat konfransında deyib.

"Cənubi Qafqazda nəqliyyat əlaqələrinin bir an öncə açılması bütün bölgə ölkələrinin xeyrinə olacaq", - Türkiyənin XİN başçısı vurğulayıb.