BMTM rəhbəri televiziyalardakı siyasi səpkili məsələlərə emosional yanaşmağı doğru saymır

Beynəlxalq Münasibətlərin Təhlili Mərkəzi (BMTM) İdarə Heyətinin sədri Fərid Şəfiyev televiziyalardakı siyasi səpkili məsələlərə emosional yanaşmağı doğru saymadıqlarını bildirib.

O, qurumun illik hesabatına həsr olunmuş tədbirdə “Report”un sualını cavablandırarkən bəzi ölkələrin təcrübələrini nümunə gətirib:

“Həmin ölkələrdə bu kimi fikirlər komedi klublarda, siyasi şoularda edilir. Yəni ciddi verilişlərdə bu kimi addımların atılması məqsədəuyğun deyil. Bu kimi hallar diskussiyanın səviyyəsini aşağı salır. Əgər varsa, düşünürəm ki, bu tendensiyanın qarşısı alınmalıdır".