Bakı. 23 mart. REPORT.AZ/ Brüssel şəhərində törədilən terror aktıyla əlaqədar olaraq, Belçikanın Azərbaycandakı səfirliyinin binası qarşısındakı dövlət bayrağı yarıya qədər endirilib.
Bu barədə "Report"a Belçikanın Azərbaycandakı səfirliyindən məlumat verilib.
Qeyd edək ki, martın 22-də Brüssel beynəlxalq hava limanında və metronun "Maalbek" stansiyasında törədilən partlayışlar nəticəsində 34 nəfər həlak olub, 250-yə yaxın insan yaralanıb. Bununla əlaqədar olaraq, Belçikada üçgünlük matəm elan olunub.
Terror aktlarına görə məsuliyyəti "İslam dövləti" (İŞİD) terror qruplaşması öz üzərinə götürüb.