Yuxarı

Bazeldə ATƏT-in Xarici İşlər Nazirləri Şurasının 21-ci iclası başlayıb

İclas ATƏT-in fəaliyyətdə olan sədri, İsveçrə XİN rəhbəri Didye Burkxalterin sədrliyi ilə keçirilir

Bakı. 4 dekabr. REPORT.AZ/ İsveçrənin Bazel şəhərində  ATƏT-in Xarici İşlər Nazirləri Şurasının (ATƏT XİNŞ) 21-ci iclası başlayıb. "Report" xəbər verir ki, iclas  ATƏT-in fəaliyyətdə olan sədri, İsveçrə XİN rəhbəri Didye Burkxalterin sədrliyi ilə keçirilir.

İclasda ATƏT ölkələri, tərəfdaş ölkələr və beynəlxalq təşkilatlardan 70-dən artıq nümayəndə heyəti iştirak edir. İclasda Azərbaycanı  xarici işlər naziri Elmar Məmmədyarov təmsil edir. 

Nazirlər iclasın ilk günü Ukraynadakı vəziyyəti müzakirə edəcəklər. İkinci gün isə beynəlxalq terrorizmlə mübarizəyə həsr olunacaq.
ATƏT XİNŞ-in iclası hər il dekabr ayında keçirilir. Şurada təşkilatın ərazisində ən aktual məsələlər müzakirə olunur. 

Yanvar ayının 1-dən təşkilata sədrlik İsveçrədən Serbiyaya keçəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi