Bakıda Ukrayna Silahlı Qüvvələrinin 30 illiyinə həsr olunan fotosərgi açılıb

Bakıda fəaliyyət göstərən Ukrayna Mərkəzində Ukrayna Silahlı Qüvvələrinin yaradılmasının 30 illiyinə həsr olunmuş fotosərgi açılıb.

“Report” xəbər verir ki, Ukraynanın Azərbaycandakı səfirliyinin təşkil etdiyi sərgi “Biz haradayıqsa, Ukrayna oradadır” adlanır.

Tədbiri açıq elan edən səfirliyin hərbi attaşesi Yuri Oksenenko Bakıda belə bir sərginin keçirilməsindən məmnun olduğunu bildirib. O, bu ölkənin Silahlı Qüvvələrinin yaradılması tarixi, həmçinin Ukraynadakı qoşun növləri haqqında məlumat verib.

Y. Oksenenko ərazi bütövlüyü məsələsində verdiyi dəstəyə görə Azərbaycana minnətdarlığını bildirib. O əlavə edib ki, Ukrayna da hər zaman Azərbaycanın suverenliyini və ərazi bütövlüyünü dəstəkləyib.