Yuxarı
    Bağlamaq

    Bahar Muradova avropalı seçicilərə müraciət edib

    “Sizləri gözüaçıq olmağa və seçdiyiniz siyasətçilərdən haqlı mövqeyi tələb etməyə çağırıram!”

    Bakı. 14 sentyabr. REPORT.AZ/ “Avropa İttifaqını heç bir ölkənin ərazi bütövlüyünün pozulması narahat etmir, əks təqdirdə, öz mövqelərini ortaya qoyardılar”. “Report” xəbər verir ki, bunu Milli Məclis (MM) sədrinin müavini Bahar Muradova parlamentin növbədənkənar plenar iclasında Avropa Parlamentinin Azərbaycana qarşı qəbul etdiyi qətnaməyə etirazını bildirərkən deyib.

    B.Muradova qeyd edib ki, bu cür sənədlərin verə biləcəyi nəticələr ilk növbədə Avropa insanlarının taleyinə mənfi təsir göstərəcək: “Ona görə də mən üzümü avropalılara tuturam, siz siyasətçi, deputat bildikləriniz şəxslərlə bağlı ciddi düşünün! Mən sizləri gözüaçıq olmağa və seçdiyiniz siyasətçilərdən haqlı mövqeyi tələb etməyə çağırıram! Bu gün əlbir olsaq, dünyanı xilas edəcəyik. Bu gün dünya təhlükədədir”. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi