Gürcüstanda azərbaycanlı icra başçısının səlahiyyətlərinə xitam verilib

Gürcüstanda azərbaycanlı icra başçısının səlahiyyətlərinə xitam verilib Tbilisi. 14 fevral. REPORT.AZ/ Gürcüstanın Marneuli rayonunun sabiq icra başçısı Temur Abazovun vəzifə səlahiyyətlərinə xitam verilib.
Xarici siyasət
149722
14 Fevral , 2019 13:18
Gürcüstanda azərbaycanlı icra başçısının səlahiyyətlərinə xitam verilib

Tbilisi. 14 fevral. REPORT.AZ/ Gürcüstanın Marneuli rayonunun sabiq icra başçısı Temur Abazovun vəzifə səlahiyyətlərinə xitam verilib.

“Report”un Gürcüstan bürosunun məlumatına görə, bu barədə rayon Sakrebulosunun növbədənkənar iclasında qərar qəbul olunub.

T.Abazovun istefası barədə ərizəsini vəkilləri fevralın 12-də Marneuli rayon rəhbərliyinə təqdim ediblər.

Ölkə qanunvericiliyinə əsasən, rayon rəhbərinin səlahiyyətlərinə fevralda xitam verilibsə, yeni icra başçısı seçkiləri həmin ilin may ayına təyin olunur.

Qeyd edək ki, T.Abazov 2017-ci ildə yerli idarəetmə orqanlarına keçirilmiş seçkilərdə qalib gələrək Marneulinin icra başçısı seçilib. O, 2018-ci ilin iyunun 13-də Marneuli rayon sakini Elçin Allahverdiyevə qarşı qeyri-insani və alçaldıcı davranış faktı ilə bağlı saxlanılıb. Ötən ilin dekabr ayının 13-də T.Abazov 10 min lari məbləğində girov müqabilində azadlığa buraxılıb.

T.Abazov Gürcüstanın müstəqillik tarixində yüksək vəzifəyə seçilmiş ilk azərbaycanlıdır. 

Son xəbərlər

Orphus sistemi