Azərbaycanla Ukrayna arasında təhsil sahəsində əməkdaşlıq müzakirə olunub

Azərbaycanın Ukraynadakı səfiri Seymur Mərdəliyev bu ölkənin təhsil və elm naziri Oksen Lisovyi ilə görüşüb.

“Report” xəbər verir ki, diplomat bu barədə “X” səhifəsində yazıb.

O bildirib ki, tərəflər qarşılıqlı əməkdaşlığın dərinləşdirilməsini müzakirə ediblər.

Səfir ikitərəfli strateji tərəfdaşlığa göstərdiyi güclü dəstəyə görə nazirə minnətdarlığını bildirib.