Bakı. 25 may. REPORT.AZ/ Azərbaycanın Yaponiyadakı səfiri Gürsel İsmayılzadə Komatsu şəhərinin meri Sindzi Vada ilə görüşüb.
Azərbaycanın Yaponiyadakı səfirliyindən "Report"a verilən məlumata görə, görüş çərçivəsində tərəflər ikitərəfli münasibətlərin səviyyəsini müzakirə edib. Bundan əlavə, regional məsələlər ətrafında fikir mübadiləsi aparılıb.
Tərəflər Bakı və Komatsu arasında "Silk Way West Airlines" aviaşirkətinin həyata keçirdiyi yük reyslərinin olmasından məmnunluğunu dilə gətirib. Qeyd edilib ki, bu uçuşlar müxtəlif sahələrdə ikitərəfli əməkdaşlığı artırmağa kömək edəcək.