Azərbaycanın Ukraynadakı konsulluğuna silahlı hücum olub

Noyabrın 7-si gecə saatlarında Azərbaycanın Ukraynanın Xarkov şəhərindəki Fəxri Konsulluğu silahlı hücuma məruz qalıb.

Konsulluqdan “Report”a verilən məlumata görə, binaya 6 atəş açılıb.

Bildirilib ki, hücum zamanı ofisdə heç kəs olmasa da, pəncərə və giriş qapısı zədələnib.

Mühafizə kameraları səsboğucu tapançadan istifadə edən iki gənci qeydə alıb.

Faktla bağlı cinayət işi başlanılıb.