Yuxarı
    Bağlamaq

    Azərbaycanın Bolqarıstandakı səfirliyi: "Silk Way" bütün dünyada etibarlı və şəffaf əməliyyatlarına görə beynəlxalq nüfuz qazanıb"

    Diplomatik qurumun İT resursları haker hücumuna məruz qalıb

    Bakı. 7 iyul. REPORT.AZ/ Azərbaycanın Bolqarıstandakı səfirliyinin İT resursları haker hücumuna məruz qalıb. "Report" xəbər verir ki, bu barədə səfirliyini Bolqarıstanın FOCUS informasiya agentliyində dərc edilən bəyanatında deyilir.

    "Bu yaxınlarda baş verən bu hadisə Azərbaycana, o cümlədən Xarici İşlər Nazirliyi və onun onlayn resursuna qarşı kiber hücumlar seriyasında növbəti addım oldu", - bəyanatda deyilir.

    "Azərbaycan Respublikasının müvafiq hakimiyyət orqanları bu haker hücumu araşdırır. KİV tərəfindən bu haker hücumlarına qarşı əsassız ittihamlar, eləcə də hadisənin zamanı təsadüfi deyil və Azərbaycan Respublikasına qarşı edilən bu hücumun mənşəyi və təhrikçilərini göstərə bilər.

    Bu haker hücumu bir daha eyni zamanda həm yerli, həm də beynəlxalq səviyyədə bu cür cinayətlərin araşdırılması və təqibi yolu ilə kibercinayətkarlığa qarşı mübarizədə təcili əməkdaşlığa ehtiyac duyulduğunu nümayiş etdirdi. Azərbaycan səfirliyi diplomatik missiyanın internet provayderindən istifadə etdiyi Bolqarıstanın qəbul edən ölkə kimi bu məsələdə məqsədə nail olmaq üçün tam əməkdaşlıq edəcəyini gözləyir.

    KİV-də Azərbaycanın nəqliyyat aviaşirkəti "Silk Way"in əməliyyatları barədə bəyanatlara gəlincə, səfirlik bu fərziyyələri əsassız olduğuna görə, qətiyyətlə rədd edir. "Silk Way" aviaşirkəti Azərbaycanda yük daşınmasının material-texniki təminatı sahəsində aparıcı xidmət təchizatçısıdır. "Silk Way" bütün dünyada etibarlı, effektiv və şəffaf əməliyyatlarına görə, beynəlxalq nüfuz qazanıb, şirkətin fəaliyyəti IATA və ICAO beynəlxalq təşkilatlarının müddəalarına tam uyğun aparılır.

    Şərhlərdə qeyd olunub ki, köklü beynəlxalq təcrübəyə uyğun olaraq, təhlükəli yüklərin aviadaşıyıcıları silahlara nəzarət rejimlərinə və IATA və ICAO təşkilatlarının müvafiq qaydalarına riayət edirlər. Eyni zamanda, onlar göndərən və qəbul edən ölkələrdən, eləcə də müvafiq hava marşrutunun üzərindən keçdiyi ölkələrdən diplomatik icazə alırlar. Belə hallarda, müvafiq yüklər barədə ətraflı məlumat diplomatik kanallar vasitəsilə ötürülür", - Aəzrbaycan səfirliyinin bəyanatında bildirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi