Yuxarı

Azərbaycanın baş nazirinin Gürcüstana səfəri başlayıb

Səfərin məqsədi Tbilisidə keçiriləcək “Şərq-Qərb” enerji dəhlizinin 20 illiyinə həsr olunmuş tədbirlərdə iştirak etməkdir

Tbilisi. 16 may. REPORT.AZ/ Azərbaycanın baş naziri Artur Rasi-zadənin Gürcüstana səfəri başlayıb.

"Report" xəbər verir ki, mayın 16-da Şota Rustaveli adına Tbilisi beynəlxalq aeroportunda Artur Rasi-zadənin rəhbərlik etdiyi nümayəndə heyətini Gürcüstan baş nazirinin müavini, energetika naziri Kaxa Kaladze və digər rəsmi şəxslər qarşılayıblar.

Səfərin məqsədi Tbilisidə keçiriləcək “Şərq-Qərb” enerji dəhlizinin 20 illiyinə həsr olunmuş tədbirlərdə iştirak etməkdir.

Səfər çərçivəsində A.Rasi-zadənin Gürcüstanın dövlət və hökumət rəhbərləri ilə bir sıra ikitərəfli görüşləri də nəzərdə tutulub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi