Azərbaycan XİN: "Azərbaycan-Monqolustan əməkdaşlığının daha da inkişafını səbirsizliklə gözləyirik"

Azərbaycan və Monqolustan arasında diplomatik əlaqələrin yaradılmasından 30 il ötür.

“Report” xəbər verir ki, Azərbaycan Xarici İşlər Nazirliyi bu münasibətlə tviter səhifəsində paylaşım edib.

“Bu gün Azərbaycan və Monqolustan arasında diplomatik münasibətlərin qurulmasının 30-cu ildönümüdür. Biz bu münasibətlə Monqolustanın hökuməti və xalqına ən xoş arzularımızı çatdırırıq. Azərbaycan və Monqolustan arasında əməkdaşlığın daha da inkişafını səbirsizliklə gözləyirik”, - nazirlikdən bildirilib.