Yuxarı

Elmar Məmmədyarov Qazaxıstanın Azərbaycandakı səfirini diplomatik fəaliyyətinin başa çatması münasibətilə qəbul edib

Görüş zamanı iki ölkə arasındakı əməkdaşlıqdan məmnunluq ifadə olunub

Bakı. 3 aprel. REPORT.AZ/ Azərbaycanın xarici işlər naziri Elmar Məmmədyarov Qazaxıstanın Azərbaycandakı səfiri Amangeldi Jumabayevi diplomatik fəaliyyətinin başa çatması münasibətilə qəbul edib. 

XIN-dən "Report"a verilən məlumata görə, görüş zamanı iki ölkə arasındakıəməkdaşlıqdan məmnunluq ifadə olunub, iqtisadi-ticarət və tranzit sahəsində əlaqələrinin inkişafında olan irəliləyişlər xüsusilə qeyd olunub.

Səfir Amangeldi Jumabayev diplomatik fəaliyyəti müddətində ona göstərilən dəstəyə görə təşəkkürünü bildirib və iki ölkə arasında dostluq əlaqələrinin inkişafı üçün səylərini əsirgəmədiyini vurğulayıb.

Nazir Elmar Məmmədyarov səfir Amangeldi Jumabayevə gələcək fəaliyyətində uğurlar arzu edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi