XİN başçısı: "Azərbaycan və Uruqvay arasında bir sıra sahələr üzrə sazişlər imzalanacaq"

“Azərbaycan və Uruqvay arasında bir sıra sahələr üzrə sazişlər imzalanacaq”.

“Report” xəbər verir ki, bunu Xarici İşlər naziri Elmar Məmmədyarov Azərbaycanda rəsmi səfərdə olan Uruqvayın Xarici İşlər naziri Rodolfo Nin Novoa ilə görüşündə deyib.

E.Məmmədyarov bildirib ki, hazırda hər iki ölkə arasında iqtisadi, ticarət və humanitar əməkdaşlığın təşviqi üçün daha münbit şərait yaradan bir sıra saziş layihələrinə baxılır: “Rodolfo Nin Novoanın hazırkı səfəri çərçivəsində Azərbaycan və Uruqvay Hökumətləri arasında "İqtisadi, ticarət və texniki əməkdaşlıq haqqında Saziş" imzalanacaq”.