Azərbaycan və Türkiyənin mülki aviasiya qurumları arasında əməkdaşlıq memorandumu imzalanıb

Bakı. 13 iyul. REPORT.AZ/ Azərbaycan və Türkiyənin mülki aviasiya qurumları arasında əməkdaşlıq memorandumu imzalanıb.

Bu barədə "Report"a Azərbaycanın Türkiyədəki səfirliyindən məlumat verilib. 

Memorandumu Türkiyənin Mülki Aviasiya Baş İdarəsində Azərbaycanın Ankaradakı səfiri Faiq Bağırov imzalayıb.

Sənəd Azərbaycanın Beynəlxalq Mülki Aviasiya Təşkilatı daxilində əməkdaşlıq etməsi və qurumda təmsil olunmasını nəzərdə tutur. Memorandumda Azərbaycanın Dövlət Mülki Aviasiya Administrasiyası, Türkiyənin Mülki Aviasiya Baş İdarəsi, Gürcüstanın Mülki Aviasiya Agentliyi və Ukraynanın Dövlət Aviasiya Administrasiyası arasında əməkdaşlığın təmin olunması nəzərdə tutulur.