Azərbaycan və Pakistan xarici işlər nazirlərinin görüşü olub

Pakistanın paytaxtı İslamabadda rəsmi səfərdə olan Azərbaycan xarici işlər naziri Ceyhun Bayramov bu ölkənin xarici işlər naziri Mahdum Şah Mahmud Qureşi ilə görüşüb.

“Report” xəbər verir ki, bu barədə məlumatı Pakistan Xarici İşlər Nazirliyi yayıb.

Pakistan və Azərbaycanın XİN başçıları neft və qaz, kənd təsərrüfatı, dəmir yolu və təhsil sahələrindəki əməkdaşlığın genişlənməsi imkanlarını müzakirə ediblər.