Azərbaycan Tbilisidə qış xeyriyyə yarmarkasında iştirak edəcək

Gürcüstanın Beynəlxalq Qadınlar Assosiasiyasının təşkilatçılığı ilə noyabrın 30-da Tbilisidə XX qış xeyriyyə yarmarkası keçiriləcək.

“Report”un yerli bürosu xəbər verir ki, ənənəvi tədbirdə Gürcüstanda fəaliyyət göstərən 25-ə yaxın səfirlik və beynəlxalq təşkilatların nümayəndələri iştirak edəcək.

İştirakçı ölkələr yarmarka ziyarətçilərinə milli qida, şirniyyat, suvenirlər və digər məhsullar təqdim edəcək. Satış-sərgi yarmarkasına Azərbaycanın Gürcüstandakı səfirliyi də qatılacaq.

Yarmarkadan əldə olunacaq vəsaitlər ehtiyacı olan uşaq, qadın və ahıl yaşlı insanlar üçün istifadə ediləcək.