Azərbaycan səfiri Yaponiyanın xarici işlər üzrə dövlət naziri ilə görüşüb

Bakı. 14 sentyabr. REPORT.AZ/ Azərbaycanın Yaponiyadakı səfiri Gürsel İsmayilzadə Yaponiyanın xarici işlər üzrə dövlət naziri Kazuyiki Nakane ilə görüşüb.

Bu barədə "Report"a Azərbaycanın Yaponiyadakı səfirliyindən bildiriblər.

Məlumata əsasən, tərəflər iki ölkə arasında diplomatik münasibətlərin yaradılması zamanından keçən 25 illik dövrə nəzər yetiriblər və ikitərəfli əlaqələrin daha da inkişaf etdirilməsi üçün potensialın olduğunu vurğulayıblar.