Yuxarı

Azərbaycan prezidenti MDB-nin ölkə başçılarının sammitində iştirak edəcək

İclas sentyabrın 16-da Bişkekdə keçiriləcək

Bakı. 13 sentyabr. REPORT.AZ/ Azərbaycan prezidenti İlham Əliyev MDB ölkələrinin dövlət başçılarının sentyabrın 16-da Bişkekdə keçiriləcək iclasında iştirak edəcək.

"Report" "Sputnik"ə istinadən xəbər verir ki, bu barədə Qırğızıstanın Xarici İşlər Nazirliyinin İnteqrasiya Birlikləri Departamentinin direktoru Bolotbek Mukaşyev məlumat verib.

"Əksər prezidentlərin iştirakı gözlənilir. Biz Azərbaycan, Rusiya, Qazaxıstan, Tacikistan, Belarus və Ermənistan prezidentlərindən rəsmi təsdiq almışıq. Hazırda Özbəkistandan təsdiq gözləyirik. Moldovadan baş nazir, Ukraynadan səfir, Türkmənistandan isə Nazirlər Kabinetinin sədr müavininin iştirakı gözlənilir", - deyə xarici siyasət idarəsinin nümayəndəsi bildirib.

Dövlət başçılarının bir sıra bəyanatlar verəcəyi, proqram qəbul edəcəyi və MDB-nin mədəniyyət paytaxtını elan edəcəkləri planlaşdırılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi