Yuxarı
    Bağlamaq

    Azərbaycan parlamentinin nümayəndə heyəti Rusiya Federasiyasına səfər edəcək

    MDB PA-da əhalinin reproduktiv sağlamlıq hüquqlarının qorunması müzakirə ediləcək

    Bakı. 25 noyabr. REPORT.AZ/ Azərbaycan Milli Məclisinin (MM) sədr müavini Valeh Ələsgərovun başçılıq etdiyi parlament nümayəndə heyəti noyabrın 26-dan 29-dək Rusiya Federasiyasında səfərdə olacaq. MM-dən "Report"a verilən məlumata görə, səfərin məqsədi MDB Parlament Assambleyasının iclaslarında iştirak etməkdir.

    Nümayəndə heyətinin tərkibinə deputatlardan Arif Rəhimzadə, Elton Məmmədov, Hacı Salayev, Rüfət Quliyev, Mirkazım Kazımov, Fəzail Ağamalı və Elmira Axundova daxildirlər.

    Sankt-Peterburq şəhərində qurumun Şura toplantısı, plenar sessiyası, Sosial siyasət və insan hüquqları, İqtisadiyyat və maliyyə, Hüquqi məsələlər, Siyasi məsələlər və beynəlxalq əməkdaşlıq üzrə daimi komissiyalarının iclasları keçiriləcək.

    İclaslarda quruma üzv ölkələr arasında parlamentarizm və demokratiya ənənələrinin möhkəmləndirilməsi, yollarda təhlükəsizliyə diqqətin artırılması, əhalinin reproduktiv sağlamlıq hüquqlarının qorunması, yerli özünüidarəetmə orqanları arasında əlaqələrin gücləndirilməsi sahəsində model qanunlar müzakirə ediləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi