Azərbaycan-Fransa Ticarət Palatasının rəhbəri Fəxri Legion ordeni ilə təltif edilib

Bakıda Azərbaycan-Fransa Ticarət və Sənaye Palatasının rəhbəri Teybə Quliyevanın “Fəxri Legion” ordeni ilə təltifetmə mərasimi keçirilib.

“Report” xəbər verir ki, mükafatı T.Quliyevaya Fransanın Azərbaycandakı səfiri Zakari Qross təqdim edib.

“Fransanın ən yüksək mükafatını öz fəaliyyəti ilə buna layiq olan qadına təqdim etmək çox xoşdur”, - səfir bildirib.

T.Quliyeva isə qeyd edib ki, onun bu ölkə ilə çox şey bağlayır: “Fransız dili öyrəndiyim ilk xarici dildir. Fransa ilə Azərbaycanı dostluq və tərəfdaşlıq münasibətləri bağlayır. İki ölkə arasında əlaqələrin inkişafına az da olsa töhfə verdiyimə görə şadam. Fransa bizim etibarlı uzunmüddətli tərəfdaşımızdır”.