Azərbaycan Asiya Parlament Assambleyasının plenar iclasında iştirak edir

Azərbaycan Asiya Parlament Assambleyasının XIII plenar iclasında iştirak edir.

“Report” “Anadolu”ya istinadən xəbər verir ki, sessiya Türkiyə Böyük Millət Məclisinin sədri Mustafa Şentopun sədrliyi ilə Antalyada keçirilir.

“Dəyişən beynəlxalq dinamikada çoxtərəfliliyin təşviqi” mövzusuna həsr olunan tədbirdə dünyanın 27 ölkəsindən parlament nümayəndə heyətləri iştirak edir.

İclasda Azərbaycanı Milli Məclisin sədri Sahibə Qafarova təmsil edir.

Sessiyanın sonunda bəyannamə qəbul olunacaq.

Xatırladaq ki, Asiya Parlament Assambleyası 2006-cı ildə Sülh naminə Asiya Parlamentləri Assosiasiyasının VII sessiyasının qərarı ilə yaradılıb.