Aydın Kərimov: İƏT Şuşanı gənclər paytaxtı seçməklə düzgün və rəmzi qərar qəbul etdi

İslam Əməkdaşlıq Təşkilatı (İƏT) Şuşanı gənclər paytaxtı seçməklə həm düzgün, həm də rəmzi qərar qəbul etdi.

"Report"un Şuşaya ezam olunmuş əməkdaşı xəbər verir ki, bunu Azərbaycan Prezidentinin Şuşadakı xüsusi nümayəndəsi Aydın Kərimov “Şuşa - İslam Əməkdaşlıq Təşkilatının Gənclər Paytaxtı 2024” Beynəlxalq Proqramının açılış mərasiminin iştirakçılarına videomüraciətində qeyd edib.

O, ilk dəfə Şuşa sakinlərini öz doğma yurdlarında qarşıladıqlarını bildirib: "Onların içərisində gənclər də var. Azərbaycan xalqı, o cümlədən gənclər Şuşanin bərpası, inkişafı və zəngin mədəniyyətinin yenidən dirçəldilməsi üçün çalışırlar".