Avronest-də Belarus, Azərbaycan və Gürcüstana qarşı hazırlanmış, Ermənistanın dəstəklədiyi qətnamə rədd edilib

Avronest Parlament Assambleyasının Büro iclasında Belarus, Azərbaycan və Gürcüstana qarşı hazırlanmış, Ermənistan nümayəndə heyətinin xüsusu canfəşanlıq göstərdiyi qətnamə layihəsi rədd edilib.

“Report” xəbər verir ki, qətnamənin mövzusu “Siyasi dustaqlar” olsa da, mətndə Azərbaycanın guya mövcud olan “erməni dustaqları” azad etməsinə çağırış yer alıb.

Azərbaycan, Gürcüstan, Ukrayna nümayəndə heyətlərinin məntiqi izah və mövqeyindən sonra Ermənistan nümayəndə heyətinin etirazlarına baxmayaraq, iştirakçıların yekdil qərarı ilə qətnamə rədd edilib.