ATƏT DTİHB-nin direktoru Azərbaycan Prezidentinin əfv fərmanını alqışlayıb

Bakı. 19 mart. REPORT.AZ/ ATƏT-in Demokratik Təsisatlar və İnsan Haqları Bürosunun direktoru Maykl Georq Link Azərbaycan Prezident İlham Əliyevin 140-dan çox məhbusa şamil edilən əfv sərəncamını alqışlayıb.

"Report" ATƏT-in mətbuat xidmətinə istinadən xəbər verir ki, M.G.Link əfv sərəncamını Azərbaycanın ATƏT-in öhdəliklərinin yerinə yetirilməsi istiqamətində müsbət addım adlandırıb.

O, rəhbərlik etdiyi təşkilatın insan haqları sahəsindəki proqramlar və öhdəliklərin həyata keçirilməsində Azərbaycanla sıx işləməyə davam edəcəyini bildirib.