Yuxarı
    Bağlamaq

    AŞPA məruzəçisinin Azərbaycana səfəri başlayıb

    Militsa Markoviç Qəsdən sudan məhrum edilən Azərbaycanın sərhəd bölgələrinin sakinləri adlı məruzə hazırlayır

    Bakı. 24 avqust. REPORT.AZ/ Avropa Şurası Parlament Assambleyasının (AŞPA) məruzəçisi Militsa Markoviçin Azərbaycana səfəri başlayıb.

    "Report"un məlumatına görə, səfərin məqsədi "Qəsdən sudan məhrum edilən Azərbaycanın sərhəd bölgələrinin sakinləri" adlı məruzənin hazırlanmasıdır.

    Bosniya və herseqovinalı deputat M.Markoviç səfər çərçivəsində Azərbaycanın xarici işlər naziri, ekologiya və təbii sərvətlər naziri, eləcə də kənd təsərrüfatı naziri ilə görüşlər keçirəcək və ölkənin sərhəd rayonlarına baş çəkəcək.

    Həmçinin məruzəçinin Azərbaycanın AŞPA-dakı nümayəndə heyəti, Dövlət Su Ehtiyatları Agentliyi, Dünya Bankı və vətəndaş cəmiyyətinin nümayəndələri ilə görüşləri nəzərdə tutulub.

    Bundan başqa, M.Markoviç Ağdam, Ağcabədi, Bərdə, Goranboy, Tərtər və Yevlax rayonlarının yerli hakimiyyət orqanlarının nümayəndələri ilə görüşəcək. 

    Səfər avqustun 27-də başa çatacaq.

    Xatırladaq ki, M.Markoviç 2014-cü ilin dekabr ayında da Azərbaycana səfər edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi