Yuxarı

AŞPA məruzəçisi Sahibə Qafarova Almaniya hökumətini Köln hadisələrinin günahkarlarını məsuliyyətə cəlb etməyə çağırıb

Qadın hüquqlarının bu cür pozulması cəzasız qalmamalıdır

Bakı. 11 yanvar. REPORT.AZ/ Avropa Şurası Parlament Assambleyasının (AŞPA) qadınlara qarşı zorakılıqla mübarizə üzrə məruzəçisi, Milli Məclisin deputatı Sahibə Qafarova Yeni il gecəsi Almaniyanın Köln şəhərində qadınlara qarşı həyata keçirilən kütləvi hücumları qətiyyətlə pisləyib.

"Report" AŞPA-nın mətbuat xidmətinə istinadən xəbər verir ki, S.Qafarova Almaniya hökumətini Köln hadisələrinin günahkarlarını məsuliyyətə cəlb etməyə çağırıb.

"Qadın hüquqlarının bu cür pozulması ilə barışmaq olmaz, bu, cəzasız qalmamalıdır. Bütün qadınlar zorakılıqdan qorunmalıdır", - deyə məruzəçi bildirib.

Köln polisinin məlumatına görə, təcavüz və qarət etmə şikayəti ilə 500-ə yaxın qadın onlara müraciət edib. Zərərçəkmişlər təcavüzkarların çoxunun Yaxın Şərq və Şimali Afrika mənşəli olduğunu iddia edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi