Yuxarı

AŞPA Azərbaycanın qəsdən sudan məhrum edilmiş sərhəd rayonlarının sakinləri ilə bağlı qətnaməni qəbul edib

AŞPA deputatları Azərbaycanla bağlı iki hesabatı müzakirə edib

Bakı. 26 yanvar. REPORT.AZ/ Avropa Şurası Parlament Assambleyasının (AŞPA) qış sessiyası çərçivəsində "Azərbaycanın qəsdən sudan məhrum edilmiş sərhəd rayonlarının sakinləri" qətnaməsi qəbul edilib.

"Report"un məlumatına görə, qətnamənin lehinə 98 deputat səs veribsə, 71 deputat əleyhinə səs verib. 40 deputat isə bitərəf qalıb.

Qətnamə AŞPA deputatı Militsa Markoviçin (Bosniya və Herseqovina) eyniadlı hesabatının müzakirəsinin yekununda qəbul edilib.

Robert Uolterin (Böyük Britaniya) "Dağlıq Qarabağ və Azərbaycanın digər işğal olunmuş ərazilərində zorakılığın artması" hesabtı əsasındakı qətnamə isə qəbul edilməyib. Sənədin 66 deputat lehinə, 70-i isə əleyhinə səs veribsə, 45 nəfər bitərəf qalıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi