Yuxarı
    Bağlamaq

    Almaniyanın dövlət başçısı Azərbaycan Prezidentini təbrik edib

    Yoaxim Qauk: Almaniya mövcud münaqişələrin həllinə öz töhfəsini verməyə hazırdır

    Bakı. 23 may. REPORT.AZ/ Almaniya Federativ Respublikasının Prezidenti Yoaxim Qauk 28 May - Respublika Günü münasibətilə Azərbaycan Respublikasının Prezidenti İlham Əliyevə təbrik məktubu ünvanlayıb. "Report"un məlumatına görə, təbrik mətnində deyilir:

    "Cənab Prezident.

    Milli bayramınız - Respublika Günü münasibətilə Sizi və Azərbaycan xalqını səmimi qəlbdən təbrik edirəm. Qafqazda sabitlik Sizin ölkəniz və həmçinin bütün Avropa üçün çox əhəmiyyətlidir. Mən qəti əminəm ki, sülhün qorunması, regional qarşıdurmaların aradan qaldırılması Azərbaycanın və bütövlükdə regionun inkişafını sürətləndirə bilər. Əmin olun ki, Almaniya yalnız Avropada Təhlükəsizlik və Əməkdaşlıq Təşkilatının hazırkı sədri qismində deyil, o cümlədən bir ölkə kimi mövcud münaqişələrin həllinə öz töhfəsini verməyə hazırdır. Həmçinin Sizi əmin edirəm ki, demokratiyanın və hüquqi dövlətçiliyin inkişafında Almaniya Azərbaycanın etibarlı tərəfdaşı olaraq qalacaqdır.

    Zati-aliləri, mən Sizə uğurlar və Azərbaycan vətəndaşlarına sülh, rifah arzu edirəm".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi