Almaniya Bundestaqının bir qrup deputatı Göygöldə olub

Bakı. 16 may. REPORT.AZ Azərbaycanda səfərdə olan Almaniya Bundestaqının bir qrup deputatı Göygöldə olub. "Report" xəbər verir ki, Almaniya-Cənubi Qafqaz Parlamentlərarası Dostluq Qrupu “XIX əsr Alman İcmasının Tarixi Muzeyinin” yaradılması konsepsiyasını təqdim edib. 

Qonaqlar vaxtilə ata-babalarının yaşadıqları rayonla yaxından tanış olublar. XVIII əsrdə almanların inşa etdikləri, indi isə tarix-diyarşünaslıq muzeyi kimi fəaliyyət göstərən Lüteran kilsəsində keçirilən görüşdə almaniyalı deputatlara rayonun mədəni həyatı, insanları, eləcə də iqtisadiyyatı barədə ətraflı məlumat verilib. Sonra musiqi kollektivlərinin çıxışı olub. 

Almaniya Bundestaqının deputatları Göygöl şəhərində yaşamış sonuncu alman Viktor Klaynın ev-muzeyinə də baxıblar. Deputatları Almaniyanın Azərbaycandakı səfiri Tempel Haydrun müşayət edib.