Macarıstan XİN başçısı: “Aİ-nin Azərbaycanla hərtərəfli saziş imzalaması lazımdır”

Macarıstan XİN başçısı: “Aİ-nin Azərbaycanla hərtərəfli saziş imzalaması lazımdır” “Şərq Tərəfdaşlığı” proqramı post-pandemik dünyada Avropa İttifaqı üçün vacibdir”.
Xarici siyasət
128
12 İyun , 2020 10:43
Macarıstan XİN başçısı: “Aİ-nin Azərbaycanla hərtərəfli saziş imzalaması lazımdır”

“Şərq Tərəfdaşlığı” proqramı post-pandemik dünyada Avropa İttifaqı üçün vacibdir”.

“Report” “Daily News Hungary”yə istinadən xəbər verir ki, bunu Macarıstanın Xarici İşlər naziri Peter Siyarto bildirib.

O qeyd edib ki, pandemiyadan sonrakı dünyada heç nə əvvəlki kimi qalmayacaq və bu, siyasətə və iqtisadiyyata eyni dərəcədə təsir edəcək.

“Lakin buna nail olmaq üçün Aİ-yə müttəfiq qismində, tərəfdaş qismində üçüncü ölkələr lazım gələcək. Bu günə qədər Aİ yalnız sözdə “Şərq Tərəfdaşlığı”nın vacibliyindən danışıb”, - P.Siyarto deyib.

O, həmçinin Azərbaycanla hərtərəfli tərəfdaşlıq haqqında sazişin imzalanmasının vacibliyini qeyd edib: “Təbii qaz hasilatı daim artmaqda olan Azərbaycan enerji təminatında mühüm rol oynayacaq”.

Xatırladaq ki, 2016-cı il noyabrın 14-də Aİ Şurası Avropa Komissiyasının Aİ və təşkilata üzv dövlətlərin adından Azərbaycanla hərtərəfli saziş üzrə danışıqlar aparmaq mandatını təsdiqləyib. Bu yeni saziş Tərəfdaşlıq və Əməkdaşlıq Sazişini əvəz etməlidir. Yeni saziş üzrə danışıqlara 2017-ci ilin fevralından başlanılıb.

Son xəbərlər

Orphus sistemi