Ulduzsuz otellərin cərimələnməsi turizm sektoruna nə vəd edir?

Ulduzsuz otellərin cərimələnməsi turizm sektoruna nə vəd edir? “Azərbaycanda ulduz kateqoriyası olmadan fəaliyyət göstərən otellərin cərimələnməsi turizm, o cümlədən otelçilik sektorunda inkişafa doğru atılmış addımdır”
Turizm
125
16 Dekabr , 2021 11:57
Ulduzsuz otellərin cərimələnməsi turizm sektoruna nə vəd edir?

“Azərbaycanda ulduz kateqoriyası olmadan fəaliyyət göstərən otellərin cərimələnməsi turizm, o cümlədən otelçilik sektorunda inkişafa doğru atılmış addımdır”

Bu sözləri “Report”a açıqlamasında Azərbaycan Hotellər və Restoranlar Assosiasiyasının İdarə Heyətinin sədri, Azərbaycan Ekoturizm Assosiasiyasının İcraçı direktoru Samir Dübəndi deyib.

O, bu barədə İnzitbati Xətalar Məcəlləsinə turizmlə bağlı əlavə edilmiş yeni cərimələrə münasibət bildirərkən danışıb. S.Dübəndi bu vaxta qədər bir çox otellərin ulduz kateqoriyası üzər təsnifata daxil olmadan fəaliyyət göstərdiyini qeyd edib: “Ölkədə fəaliyyət göstərən otellərin sayı rəsmi statisitkaya görə 650-dən çoxdur. Onların bir çoxu ulduz almadan, yəni katerqoriya sisteminə daxil olmadan binalarının üzərində, müxtəlif satış kanallarında ulduz sahibi olduqlarını göstərirdilər. Bu da turistin hüquqlarının pozulmasına gətirirdi. Ulduz kateqroiyası yerləşəcəyi yeri seçməkdə turist üçün ilk amillərdən biridir. Turist özünə dörd ulduzlu otel seçirdi, gəlib görürdü ki, həmin otel aşağı kateqoriyalıdır və məyus olurdu. Belə olan halda həmin otelə heç cür bəraət qazandırmaq olmur. Otelin vurduğu maddi və mənəvi ziyan təkcə otel haqqında deyil, ölkə haqqında da mənfi fikir formalaşdırırdı. Ona görə də həmişə demişəm ki, bu sistem, yəni otellərin ulduz kateqoriyası sisteminə daxil olması icbari olmalıdır. İndi biz gəlib buna çıxırıq. Ulduz kateqoriyası olmadan çalışan otellərə cərimələrin tətbiqi onu göstərir ki, bu proses hardasa icbari xarakter daşımağa başlayır. Məncə bir müddət bu məsələ icbari olmalıdır. Paralel olaraq güclü təşviqat aparmaq, biznesləri başa salmaq lazımdır ki, kateqoriyalara uyğunluq sertifikatlarının alınması nə üçündür və ilk növbəfdə biznesin özünə lazımdır. Bu sertifikat biznesin müəyyən bir standartlar əsasında çalışmasını təmin edir. Bizneslər bunu anlayana qədər proses icbari və ciddi cərimələrin tətbiqi formasında aparılsa, effekti olar.

Bununla belə, onun sözlərinə görə, ulduz almadan çalışan otellərin cərimələnməsi düzgün qərar olsa da, biznesin də maraqlarını unutmaq olmaz: “Pandemiya dövrü hələ bitməyib və bir vaxt tətbiq edilmiş sərt qapanmalar müəssisələrə böyük ziyan vurub. Bu gün müəssisələrin maliyyə durumu heç də sağlam deyil. Ona görə yaxşı olardı ki, bu əlavə xərclərin nə qədər olacağı açıqlanardı. Biz də təsnifat sisteminə qoşulmaq üçün nə qədər əlavə xərc tələb olunduğunu bilərdik. Bu xərclərin ləğv edilərək simvolik rəqəmlərin saxlanılması aruzolunandır. Hazırkı şəraitdə ulduz almaqla bağl otellərin üzərinə bu cür yük qoyulması onlarda narazılıq yarada, onların onsuz da ürəkaçan olmayan maliyyə durumunu bir az da pisləşdirə bilər. Belə qərarlar turizm ictimaiyyəti ilə geniş müzakirə olunmalıdır. 5-10 nəfər adamın arasında yox, daha geniş auditoriyalarda və daha geniş platformalardan daha çox mütəxəssisləri cəlb edərək hamının fikirləri toplanmalıdır. Ondan sonra bu qərarları vermək olar”.

Xatırladaq ki, dekabrın 14-də Milli Məclisin iclasında İnzibati Xətalar Məcəlləsinə edilən dəyişilik layihəsi I oxunuşda qəbul edilib. Layihəyə əsasən, Məcəlləyə turizm haqqında qanunvericiliyin pozulması maddəsi əlavə edilib. Belə ki,bundan sonra mehmanxanalar (hotellər) “Turizm haqqında” qanunun 9.1-ci maddəsinə uyğun olaraq ulduz kateqoriyası müəyyənləşdirilmədən fəaliyyət göstərilməsinə görə iki min manatdan beş min manatadək məbləğdə cərimə ediləcək.

Son xəbərlər

Orphus sistemi