Ukraynada turistik marşrutlar Azərbaycan dilində dərc olunacaq

"Ukraynada turistik marşurutlar Azərbaycan dilində çap olunaraq muzeylərdə yerləşdiriləcək".

Bunu “Report”un Şərqi Avropa bürosuna açıqlamasında Ukrayna Ali Radasının (parlament) deputatı Lyudmila Marçenko bildirib.

O qeyd edib ki, Ukraynanın Birinci xanımının təşəbbüsü ilə həyata keçirilən işlər nəticəsində artıq Azərbaycanda bu gün Ukrayna dilində turistik qidlər dərc olunur: “Eyni zamanda, biz də maraqlıyıq ki, Ukraynada analoji bülletenlər Azərbaycan dilində buraxılsın və bu, artıq nəzərdə tutulur”.

Deputat vurğulayıb ki, Azərbaycanda Ukraynanın Qolodomor qurbanlarının anım günü ilə əlaqədar tədbir keçirilməsinə dair razılıq əldə olunub.