Bakı. 27 dekabr. REPORT.AZ/ 2019-cu il yanvarın 1-dən etibarən Türkiyənin turistlərə 1,5 avro məbləğində təhlükəsizlik vergisi tətbiq edəcəyi gözlənilir.
“Report” Türkiyə mətbuatına istinadən xəbər verir ki, əvvəlcə hər bir turist üçün 3 avroluq vergi tətbiq edilməli idi. TURSAB turizm agentlikləri birliyi Türkiyənin mədəniyyət və turizm naziri Mehmet Nuri Hersoya vergini azaltmaq üçün müraciət edib.
TURSAB-ın rəhbəri Firuz Balıkaya bildirib ki, oktyabr ayından etibarən 2019-cu il üçün tur paketlər yeni vergi nəzərə alınmadan üç ay ərzində satılıb: “Milyonlarla xarici turist bu tur paketləri satın alıb. Əgər bu xərc tur operatorlara tətbiq olunarsa, onlar milyonlarla avro ödəməlidirlər ".