Qəbələdə "Offroad" yürüşü keçirilib

Qəbələdə "Offroad" yürüşü keçirilib Rəsmi şəxslər müxtəlif yarışlarda qələbələr əldə edən "Offroad" komandası ilə görüşüblər
Turizm
295
22 Dekabr , 2015 14:15
Qəbələdə Offroad yürüşü keçirilib

Bakı. 22 dekabr. REPORT.AZ/ Azərbaycan Avtomobil Federasiyasının təşkilatçılığı ilə "Offroad" yürüşü keçirilib. Heydər Əliyev Mərkəzindən "Report"a verilən xəbərə görə, 25 "Offroad" avtomobilinin iştirakı ilə iki gün ərzində keçirilən yürüş Qəbələ-Oğuz-Şəki-Zaqatala marşrutu üzrə təşkil edilib.

Yürüşdə məqsəd avtomobil idmanının inkişaf etdirilməsi, həmçinin regionlarda avtomobil həvəskarlarının bu idman növünə cəlb olunmasıdır.

Yürüş zamanı gənclər və idman naziri Azad Rəhimov, fövqəladə hallar naziri Kəmaləddin Heydərov, Azərbaycan Avtomobil Federasiyasının prezidenti Anar Ələkbərov federasiya üzvləri və müxtəlif yarışlarda qələbələr əldə edən "Offroad" komandası ilə görüşüblər.

Qeyd edək ki, Avtomobil Federasiyasının dəstəyi ilə Azərbaycan komandası müxtəlif "Offroad" yarışlarında, o cümlədən bu il Türkiyədə keçirilən yarışlarda iştirak edib. "Offroad" klubu bu il dünyanın müxtəlif ölkələrinə səyahət edən avtomobilçilərdən ibarət "Dünya bizimdir" adlı beynəlxalq ekspedisiyada da təmsil olunub. 

Son xəbərlər

Orphus sistemi