İtaliya səfirliyi ötən il Azərbaycan vətəndaşlarına 10 mindən artıq viza verib

Bakı. 16 fevral. REPORT.AZ/ "Ötən il İtaliya səfirliyi Azərbaycan vətəndaşlarına 10 mindən çox viza verib. Onların bir hissəsi biznes vizası olsa da, turist artımı tendensiyası mövcuddur".

"Repor" xəbər verir ki, bunu İtaliyanın Azərbaycandakı səfiri Auqusto Massari deyib.

Diplomat Azərbaycanla İtaliya arasında turizm sahəsindəki əməkdaşlığı yüksək qiymətləndirib.

Səfir Azərbaycana gələn italyan turistlərin sayının o qədər də çox olmadığını, lakin Azərbaycanın turizm sənayesinin inkişafına böyük əhəmiyyət verdiyini, o cümlədən Mədəniyyət və Turizm Nazirliyinin onun inkişafı üçün səy göstərdiyini nəzərə alaraq sayımn artacağına ümid etdiyini vurğulayıb.